Nordmenn fortset å søke erstatning etter tannlegebesøk

- Erstatningssøknader etter tannlegebesøk er heilt klart området som har auka mest når vi nå går gjennom tala for 2024, så langt, seier Kristin Cordt-Hansen, direktør i Norsk pasientskadeerstatning (NPE).

Allereie i fjor såg NPE ein stor auke i talet på erstatningssøknader etter tannbehandling.

- Nå ser vi at denne trenden fortset inn i 2024. Eg skal vere varsam med å spå framtida, men i dette tempoet ligg vi an til godt over 1000 søknader på tannhelse aleine, seier Cordt-Hansen.

Dei siste fem åra har talet på melde tannsaker lege stabilt på rundt 630 søknader i året viss vi ser bort i frå fjoråret som var eit rekordår. Så langt i 2024 har det allereie komme inn 533 søknader.

Graf over talet på mottatte saker per år. For 2024 viser tala første halvår. For detaljert informasjon, besøk statistikkportalen vår.

Cordt-Hansen seier vi ikkje kan vite sikkert kvifor desse sakene fortset å auke.

- Sannsynlegvis er ei viktig årsak at fleire både tannlegar og pasientar er kjente med ordninga.

Tannlegeforeininga tar tala på alvor

President Heming Olsen-Bergem i Tannlegeforeininga seier dei tar tala på alvor.

- Vi ønsker sjølvsagt at det skal vere så få saker som mogleg, men samtidig er det viktig at ordninga blir brukt når det oppstår feil under tannbehandling, seier Olsen-Bergem.

Han trur at ein av grunnane til auken er at ordninga blir meir og meir kjent.

- Det blir svært utført mange tannbehandlingar i privat tannhelseteneste i løpet av eit år. Privat tannhelseteneste har ansvar for ca. 3,7 millionar pasientar, og vi reknar med at ca. 3 millionar blir behandla i løpet av eit år, mange fleire gonger i løpet av året, seier Olsen-Bergem.

Presidenten i Tannlegeforeininga understrekar at 500 mottatte tannsaker så langt i år, derfor er eit lite tal med tanke på kor mange som får behandling. Olsen-Bergem seier det også kan vere lågare terskel for å klage sidan pasientane betaler heile rekninga sjølv i privat tannhelseteneste, utan at dei får noka støtte frå det offentlege. 

- Derfor er det fint at vi har ei ordning der pasientar kan søke erstatning for det økonomiske tapet dei har hatt som følge av feilbehandling, seier Olsen-Bergem.

NPE-direktøren trekker fram samarbeidet med Tannlegeforeininga som eit viktig bidrag til at tannlegar og pasientar får god informasjon om ordninga. Cordt-Hansen seier det er positivt at fleire som har krav på erstatning søker om det.

- Det viser at ordninga er viktig og fungerer, avsluttar Cordt-Hansen.

Presseførespurnader

• Pressekontakt