Saksbehandling
Når vi tek imot søknadsskjema frå deg, vil vi starte utgreiing og innhente all nødvendig dokumentasjon i saka. Du vil bli informert etter kvart og få høve til å kommentere undervegs.
Kva kan eg bidra med?
- fylle ut søknadsskjemaet så rett som mogleg
- gi oss eventuelle nye opplysingar om situasjonen din undervegs i saksbehandlinga
- overhalde dei svarfristane vi set
- kontakte oss om du lurer på noko
Kostar det noko å krevje erstatning?
Nei, det er gratis.
Treng eg advokat?
I utgangspunktet treng du ikkje advokat for å søkje erstatning. Vi vil innhente alle relevante opplysingar, og sørgje for at saka blir greidd tilstrekkeleg ut.
Får du medhald i kravet ditt om erstatning, vil du kunne få dekt utgifter til advokathjelp i rimeleg omfang for å fastsetje erstatningssummen.
Kven vurderer dei medisinske problemstillingane i saka mi?
Vi innhentar sakkunnig uttale frå spesialistar utanfor NPE. Kva løysing vi vel, er avhengig av kor kompleks saka er, og om våre interne sakkunnige har rett kompetanse i forhold til saka som skal vurderast.
Saksbehandlingsreglar
I samsvar med produktansvarslova § 3-10 gjeld forsikringsavtalelova. I tillegg følgjer vi dei alminnelege reglane om saksbehandling i forvaltingslova.